9.AZEM-AƐESSAS N TALA

9/PAROLES : AƐESSAS N TALA / SLIMANE AZEM     

Ay aɛessas n tala
Aqli-iyi deg-yir ḥala
Ul-iw imenna-d tamurt
Ẓẓher-iw yenna-d ala

A tala urgaɣ aman-im
Deg-nebdu d isemmaḍen
Ttwaliɣ di lexyal-im
Acercur ger yeblaḍen
Aqli ɣerqeɣ di ttexmim
Tasa akk d wul caḍen

Urgaɣ amzun di tefsut
Tala teččur d lxalat
S leḥcic tezzegzew tmurt
Tala teččur d lxalat
Amzun la kerrzeɣ taɣzut
Awi-d aɣrum d tazart

Γas ini d tidett xaqeɣ
Aqli-yi ctaqeɣ ad zhuɣ
Di leɛqel-iw ssexdameɣ
Acuɣer ttɛebbiɣ rennuɣ
Ufiɣ d ṣṣber i xtareɣ
Ad rrẓeɣ wala ad knuɣ

Llan wigad yenṭerren
Ula d lheḍra ulac
Rɣan ɣer daxel ṣebren
Ulawen nnsen di leɣcac
Yenza lḥeqq s yedrimen
Cfut fellas ay arrac

A tala acuɣer i kem-urgaɣ
Axaṭer ɛẓizeḍ g ul-iw
D ameẓyan i kem-furqeɣ
Di leɣerba i g-cab yixf-iw
Nek meqqer la d-qqareɣ
Ayen yellan deg ul-iw

Akkagi i tfukk targit
Γef tala n taddart nneɣ
Mkul ass yesɛa tameddit
Rebbi akken i yebɣa ad teffeɣ
Mi d-ukiɣ kulci ulac-it
Yebɛed wansi i d-uɣaleɣ!

https://amakrim.blogspot.com/2020/07/9azem-aessas-n-tala.html





Traduction du refrain et du 3ème couplet de : Aâssas n tala

L’ange gardien de la fontaine! Ange gardien de la fontaine Je suis en piteux état Mon cœur nostalgique peine Mais ma chance ne veut pas! Tu peux dire la vérité Je suis toujours frustré Dans mon esprit, ruminant Pourquoi je supporte tant J'ai choisi d'être patient Plutôt casser que plier!

https://youtu.be/2ubFEVSbgdM